القرين والشيــ,,ــــطان للكاتب/ أحمد محمود شرقاوي

امبارح أخت جوزي فضلت تبكي كتير أوي لأن أبوها وحشها وعايزة تزوره بأي طريقة في المقابــ,,ـــــبر، وكأنه لسة ميت من يوم واحد مش من ٤٠ يوم كاملين، جوزي حاول يهديها بس قالت إنه لو مودهاش هتروح لوحدها، الغريب إننا كنا تقريبا الساعة ١٠ بالليل، وفيها ساعة كاملة بالعربية عشان نوصل على الساعة ١١، بس من كتر البكاء الغريب اللي كانت بتبكيه مكنش قدامنا حل غير إننا نوديها، وطبعًا جوزي خدني معاه لأسباب كتير مش لازم أقولها..

ركبنا العربية وطلعنا على بيت أبوه خدنا أخته من البيت وطلعنا على المقابــ,,ـــــبر، ويمكن دي كانت أول مرة أزور فيها المقابــ,,ـــــبر بالليل، الشكل مهيب والمشهد مُخيفة جدًا، شواهد قبور واقفة وكأنها بتقولنا ده مش وقتكوا ارجعوا، بس أحنا دخلنا، دخلنا بالعربية وسط حارات المقابــ,,ـــــبر لحد ما وصلنا لقبــ,,ـــــر الحاج (حماد) حمايا، نزلت (أسماء) من العربية وفضلت تبكي كتير عند قبــ,,ـــــر أبوها، في النهاية جوزي انفعل عليها وقالها كفاية كدا ويالا نرجع..

مفيش حد عاقل بيبكي في المقابــ,,ـــــبر بالليل وبالطريقة دي، وفعلًا خدناها واتحركنا وأحنا في قمة التوتر، وعلى مدخل المقابــ,,ـــــبر تقريبًا جوزي وقف بالعربية، كان فيه كلب أسود ضخم واقف قدام العربية وعمال يزوم بطريقة مُخيفة أوي، حاول جوزي يتفاداه ويتحرك بس كان عنده إصرار غريب يقف قدام العربية عشان منتــ,,ـــــحركش..

في اللحظة دي بدأنا نحس بحاجة بتتحدف على العربية، صوت حجارة غريب، ومن الخوف والتوتر قلت لجوزي اتحرك وأفرمه تحت العجل لو متحركش، وكأنها كانت الإشارة اللي كان مستنيها، وفورًا اتحرك بالعربية والكلب فضل مكانه، وفي لحظة حسينا بالعربية بتفرم حاجة تحت العجل وهربنا من المكان كله..

قلوبنا كانت مقبوضة بطريقة مُخيفة أوي، وكأننا كنا متراقبين من كيان مُخيف، مرعب، وصلنا بيت حمايا وأسماء نزلت وكملت أنا وجوزي لحد شقتنا وأحنا صامتين تمامًا، مش قادرين نبص في عيون بعض، مش قادرين حتى نتكلم، وصلنا عند الشقة ونزلنا من العربية عشان أشهق من الرعب..

كان نفس الكلب، واقف قدام باب العمارة وبيزوم ناحيتنا، بل وكان بيقرب علينا في مشهد مُخيف، جوزي ومن التوتر طلع المسدس المرخص بتاعه وضــ,,ـــــرب الكلب بالنــ,,ـــــار، واتحركنا فورًا عشان محدش يشوفنا، طلعنا الشقة وفضلت حالة الصمت مستمرة ما بينا كتير أوي..

لحد ما قررنا ننام عشان الليلة الغريبة دي تعدي بأي طريقة، وفعلًا نمت رغم كل حاجة، بس وأنا نايمة سمعت من بعيد أوي صوت نباح كلب، حاولت أتجاهله وأنام بس الصوت كان واضح وغريب لدرجة إني صحيت من نومي، جوزي مكنش موجود جمبي ومعرفش راح فين..

بدأت أركز عشان أكتشف إن صوت الكلب جاي من الشقة مش من برة، ولما افتكرت اللي حصل من ساعات بس قلبي اتنفض مكانه، فيه حاجة غلط ويارب الموضوع ميتماداش عن كدا، اتحركت في الشقة وأنا بنادي على جوزي بس لا حياة لمن تنادي، وصوت الكلب بدأ يكون واضح أوي، الصوت كان جاي من الحمام..

أعصابي كلها سابت تمامًا، مبقتش قادرة أتكلم، ريقي نشف وجسمي بقا بيترعش بطريقة غريبة، قربت من الحمام وفتحته بهدوء شديد، وقدام عيني شوفت جوزي مرمي في الحمام عريان تمامًا، بصيت برعب يمين وشمال الحمام فاضي، شديته بسرعة برة الحمام وحاولت أفوق فيه بس مكنش بينطق..

بدأت أصرخ واستغيث بالجيران، وفعلًا الناس اتجمعوا وكان لينا جار دكتور كشف عليه وقال إنه في حالة غيبوبة والنبض ضعيف جدًا ولازم يتنقل المستشفى وفعلًا نقلناه وفي خلال ساعات كان على الأجهزة الحيوية في حالة غيبوبة تامة..

أنا حياتي بتخرب، ومش عارفة أعمل أيه، جوزي في ساعات بقا بين الحياة والمــ,,ـــــوت، وأنا مطلوب مني أرجع الشقة بالليل أنام فيها لوحدي، وده ببساطة لأني ماليش أي مكان تاني..

ورجعت، رجعت وشغلت قرآن في الصالة على أمل إن متحصلش أي حاجة، بس كانت مجرد أمنية مش هتتحقق، لأن مسافة ما الدنيا هديت التلفزيون اللي شغال على القرآن فصل لوحده، ونور الشقة بدأ ينور ويطفي بطريقة غريبة..

قمت من مكاني استعيذ بالله من الشيطان الرجيم، خاصة لما بدأت أسمع صوت الكلب في صالة البيت، بس المرة دي كان فيه صوت تاني، صوت حد بيكح بصوت أنا حافظاه كويس، ده صوت حمايا، نفس صوت الكحة بتاعته قبل ما يمــ,,ـــــوت، قمت من مكاني وأنا عرقانة، جسمي كله بينزل في عرق من الخوف والرهبة..

بصيت من فتحة الباب وشوفت في الصالة حمايا قاعد زي التمثال على الأنتريه والكلب جمبه بيتبول على سجادة الصالة، وفي لحظة بص الكلب ناحية باب الأوضة اللي بشوفه منها وبدأ يزوم، شوفت راسه بتتفجر ولحمه بينزل من مكانه، وكأنه بيوريني اللي حصل لما جوزي ضــ,,ـــــربه بالنــ,,ـــــار..

ومعرفش أيه اللي حصل تاني، لأني صحيت على نور الشمس، خرجت من الشقة وجريت ناحية كافيه كنت بقعد فيه، بقيت مرعوبة أقرب من الشقة تاني، وغصب عني بدأت أدمع وأنا بفتكر، بفتكر المشروع اللي كنا عاوزين نعمله بأي طريقة والفلوس مش مكفية، وبدأ الشيطان يوسوس لينا نتخلص من حمايا..

حمايا اللي كان عنده ربو وصدره تاعبه وليل نهار بيكح، كنا منتظرين مــ,,ـــــوته عشان نبيع البيت ونورث مبلغ محترم نكمل مشروعنا، بس الانتظار طال أوي، وفي النهاية أدوية مكان الأدوية عجلت بمــ,,ـــــوته، وجوزي استجاب لما قولتله ده، ماهو كدا كدا هيمــ,,ـــــوت، وقولنا كلها أيام والأربعين يعدي ونفاتح أسماء في بيع البيت وهي طيبة وعبيطة وسهل ناخد مبلغ كبير من بيع البيت ونديها اللي يكفيها تجيب شقة تقعد فيها وبس..

يمكن من جوايا كنت بخطط أتخلص منها هي كمان بس مصرحتش بده أبدًا لجوزي، وفي اليوم الأربعين وخلاص هنبيع البيت تتصل بجوزي وهي بتبكي بهيستريا إنها عايزة تزور أبوها، ومنعًا للشكوك وديناها وطبعًا روحت مع جوزي عند قبــ,,ـــــر حمايا اللي .ناه، مانا لازم أروح طبعًا لأن الشك كان بياكلني من يومها في كل حاجة حوليا..

يارتني ما فكرت التفكير ده ولا .ناه، كان زماني عايشة مرتاحة ويولع المشروع، كلمت واحدة صاحبتي وحكتلها إن شقتي فيها أمور غريبة بتحصل وأنا خايفة يكون أذى ولا حاجة، أدتني رقم روحاني بيقرأ الفنجان والطالع وقالتلي إنه معالج شاطر أوي، وأنا كنت غرقانة، وعايزة أي قشة أتعلق فيها مهما كانت..

وفعلًا قابلته وروحتله، وطلب مني أحكي كل حاجة لأن أي تفصيلة غلط ممكن تعمل مشكلة كبيرة، ومن رعبي لقيت نفسي بحكي كل حاجة، استغرب من اللي عملته بس معلقش، قالي إن أكبر غلطة ممكن يعملها القاتل إنه يروح مكان دفــ,,ـــــن المقتول، وإن ده بينشط القرين إنه يتمكن وينتقم لصاحبه، والكلب اللي قابلناه ده كان من جن المقابــ,,ـــــبر وكان عاوز يحبسنا عشان القرين ينتقم مننا، ولما هربنا منه و.ناه بقينا مُطاردين من قرين حمايا وكمان من الجن اللي على شكل الكلب..

بوست على إيده يشوفلي حل بأي طريقة، مسك الموبايل شوية يمكن نص ساعة وبعدها اتكلم، قالي إن الحل إن جوزي يمــ,,ـــــوت عشان أنا أعيش، هو اللي . الكلب، وهو اللي نفذ . حمايا وغير الأدوية، لو ات. كل حاجة هترجع لطبيعتها، وإلا الكيانات دي هتطاردني لحد ما تنتقم مني وهعيش حياتي كلها في جحيم، بل وقالي إنه عنده مقدرة يدفع لحد ويفصل عنه الأجهزة ويمــ,,ـــــوت، بس كله بتمنه..

وفضلت يومين بفكر في الكارثة اللي نزلت عليا دي، بس مع استمرار الرعب غصب عني وافقت، بل وأقنعت نفسي إن جوزي يستاهل، واحد راح . أبوه عشان الفلوس، يبقا أكيد شيطان ويستحق المــ,,ـــــوت، وفعلًا دفعت مبلغ كبير أوي للروحاني ده، كل ما كنت أملك تقريبًا، ويوم واحد بس واتقبــ,,ـــــض عليا، واكتشفت المصيبة الأكبر..

صاحبتي لما حكيتلها ودلتني على الروحاني اللي هو أصلًا يعتبر عشيقها في الظل كانت حابة تعرف تفاصيل عن حياتي مش أكتر، ولما حكيت للروحاني وحكالها اتصدمت لما كان ماسك التليفون، بس حقدها عليا خلاها تقرر توديني في ستين داهية بس بعد ما تاخد مني اللي ورايا واللي قدامي، اتفقت مع الروحاني يوهموني إنهم هي.وا جوزي، وخدوا مني مبلغ كبير، وبعدها خدوني اتفق مع ممرضة ل.ه وكله كان متسجل وراحوا بلغوا عني في الداخلية..

وبالتهديد إن جــ,,ـــــثه حمايا هتتشرح وبمواجهة التسجيلات قلت كل حاجة، واعترفت إني .ت حمايا وكنت بخطط ل. جوزي، وخسرت كل فلوسي عشان الروحاني ياخدها هو وصاحبتي وطبعًا أنكروا ده لأن مفيش أي دليل، فكرة إنك تمشي في طريق الشيطان وأنت فاكر نفسك ذكي بيخلي ربنا يمكر بيك ويوقعك مع شياطين أذكى منك سواء كانوا من الجن أو الإنس، بيخليك تمشي في سكة نهايتها نــ,,ـــــار ملتهبة..

الطمع، الجشع، الحقد، الحسد، كل الصفات السيئة دي كفيلة جدا تبقا المعبر اللي ياخدك لسكة الشيطان، عشان كدا لازم تطهر قلبك دايمًا، لازم، ولازم تبقا القناعة منهج تمشي عليه في حياتك لحد ما تمــ,,ـــــوت، وإلا هتنتهي حياتك زي ما انتهت حياتي، أنا اتحكم عليا بالإعدام وجوزي مكملش أيام ومات في الغيبوبة بتاعته وأسماء ورثت كل حاجة..

عن النعمان بن بشير رضي الله عنهما قال: سمعت رسول الله ﷺ يقول: (أَلَا وَإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّهُ، وَإِذَا فَسَدَتْ فَسَدَ الْجَسَدُ كُلُّهُ، أَلَا وَهِيَ الْقَلْبُ) متفق عليه

بقلم/ أحمد محمود شرقاوي