شبيهه امي بقلم احمد محمود شرقاوي

شبيهة أمي

كانت فيه واحدة جارتنا بتحط قدام بيتها زي طبق معمول من الأسمنت وكل يوم بتحط فيه أكل للقطط بتاعت الشارع، مرة شوية عضم، مرة بطاطس مهروسة، مرة شوية عيش بالمية، المهم إنها كانت مواظبة على ده بصورة يومية، والكلام ده مكانش عاجب أمي ولا من قريب ولا من بعيد أبدا، وكانت بتضايق لما القطط بيتلموا ويبقوا قريبين من بيتنا اللي يعتبر لازق في بيت الست دي، وياما عملت مشاكل مع الست لأن القطط بتعمل فضلاتها قريب من الحيطة بتاعت بيتنا، ولما الست بقت تخرج تنضف بقت أمي بتتلكك على أي حاجة تانية، لحد ما الست في النهاية وبعد خـ,ـناقة كبيرة كس.رت الحلة الأسمنتية دي وعملتها الناحية التانية عشان تتخلص من مشاكل أمي.

بس أمي كانت بتفكر في حاجة تانية خاصةً لما شافت نفسها إنها اتهانت من الست قدام كل الناس، فقررت تأدبها بطريقتها، أمي صحيت الفجر وبدون عِلم أي حد وحطت في الطبق سـ,ـم عشان لما الست تحط الأكل الصبح القطط تاكل السـ,ـم وتمو.ت، ومحدش عرف بعملتها غير تاني يوم.

وعلى الضهر تقريبا سمعنا صوت صريخ رهيب جاي من الشارع، طلعنا نجري عشان نشوف فيه ايه لقينا قطة كبيرة و4 قطط صغيرين ميتيـ,ـن جمب الطبق، بس مكنش ده سبب الصـ,ـراخ، سبب الصراخ كان الطفل الصغير ابن الست اللي بتحط الأكل، كان لسة طفل بيزحف ومحدش شافه وهو بيقرب من الطبق وبياكل أكل مسـ,ـموم مع القطط.

شكله وهو ميـ,ـت وبيطلع حاجات بيضا من بقه كان بشع، عنيه جاحظة وجسمه منفوخ وشكله غريب، الغريب انه كان حـ,ـاضن قطة من القطط وهو مـ,ـيت، واتقال بعدها إن فيه سـ,ـم اتحط في الطبق وبقت كل الاتهاما.ت ناحية أمي اللي أنكـ,ـرت تماما انها ممكن تعمل حاجة زي دي، بس أنا كنت عارفة أمي كويس لما بتكذب، أمي هي اللي حطت السم وكانت النتيجة انها تسببت في .. طفل لسة بيزحف.

ورجعت أمي في صـ,ـدمة رهيبة ومش مصدقة إنها ..ت طفل صغير، بس حاولت تبرر فعلتها قدامي، عشان حتى إحساس الذنب مش عايزة تشيله، قالت إن الست كانت بتأذيها كتير وانها اللي غلطانة لما محافظتش على ابنها وأهملته عشان يخرج لوحده في الشارع، وطلعنا البلكونة على المغرب ولقينا الطفل متكـ,ـفن في حض.ن أبوه وبيشـ,ـيعه كل أهل البلد تقريبا.

وعدت الأيام بعد كدا في سكوت غريب، اللهم إلا إن خطيبي طلب يفسخ الخطوبة بعد ما سمعة أمي بقت سيئة وبقت مكـ,ـروهة في المنطقة كلها، وأمي قالتله طالما فسخت يبقا مفيش دهب، ولما حاول ياخد حقه بالعافية أمي صرخت وفضـ,ـحته وقالت بيتهـ,ـجم علينا، بس الغريب إن كل الناس وقفت تتفرج رغم انهم بيتدخلوا في أبسط حاجة ممكنة.

وبما إن أبويا مـ,ـيت ومالناش قرايب فمحدش عرف ياخد معانا حق ولا باطل في موضوع الدهب ده، وقعدت مع أمي وانا مبقتش طايقة أبص في وشها من الأساس، بس واضح إن الجـ,ـريمة كانت كبيرة ومكانش ينفع تعدي بالساهل كدا، بعد تلت أيام من الحاد.ثة دي بدأنا نسمع بالليل صوت قطط كتير أوي في البيت واحنا نايمين، وكنا بنخرج ندور عليهم منلاقيش حاجة خالص، بس الموضوع موقفش عند أصوات القطط لإننا كنا بنصحى بالليل بنلاقي الأكل منهوش في الأطباق وكأن فيه حيوان نهش فيه.

وفضلنا على الحال ده تقريبا اسبوع لحد ما تطور الموضوع وبقينا بنسمع صوت طفل بيبكي في صالة البيت يوميا بعد نص الليل، وبرضه نطلع ندور عشان نفهم ايه اللي بيحصل مكناش بنلاقي أي حاجة، بس مع استمرار الموضوع والخوف والقلق اللي بقينا فيه أمي قررت تروح لواحدة بتاعت أحجبة عشان تعملها حِجاب أو أي حاجة عشان توقف اللي بيحصل في البيت ده.

وروحت معاها لأني بقيت خايفة أقعد لوحدي في البيت، الست أول ما شافت أمي قالتلها انتي شكلك عملتي مصـ,ـيبة كبيرة أوي، أمي فضلت تترعش وتقولها (أنا معملتش حاجة) الست قامت مسكت أمي من شعرها بقسـ,ـوة وشـ,ـتمتها وقالتلها (قوليلي كل حاجة لأن اللي عندك كتير أوي)

وحكتلها أمي كل حاجة، موضوع سم القطط والطفل اللي ما.ت، وعن الأصوات اللي بقينا بنسمعها والخوف اللي بقينا عايشين فيه، الست قالت لأمي انتي ولا ألف حِجاب هيأثر معاكي، انتي لازم حارس يحرس البيت من الشر الكبير اللي بقا حوليكم واللي هيفضل يكبر لحد ما يدمركم تماما.
عشان كدا أمي دفعتلها كل اللي الست عاوزاه عشان تعملنا الحارس اللي بتقول عليه ده، ورسمت نجوم ومربعات على جسم أمي وخلتها تشرب من مية لونها أصفر وتخطي على سبع شمعات، وفضلت ساعة كاملة تأمرها بحاجات غريبة وانا بترعش من الخوف، لحد ما في النهاية قالتلها (الحارس لبى النداء وهيحميكم من هنا ورايح)

ورجعنا البيت واحساس الخوف مش عايز يمشي من جوانا اطلاقا، وفي نفس الليلة بالليل لقيت أمي بتصحيني وبتقولي يالا عشان هنغسل، استغربت أوي لأن مين بيغسل بالليل بس أمرتني أجمع الغسيل كله بسرعة، قمت وانا مش فاهمة اللي بيحصل وجمعت هدومي، ودخلت على دولاب أمي أجمع الغسيل ومسافة ما فتحت الدولاب لقيت أمي جوة الدولاب، وقفت اتنفض من المشهد لقتها بتتكلم وبتقول (فيه واحدة شبهي برة أنا خايفة منها أوي)

متحملتش حاجة تاني ووقعت من طولي، ولما صحيت الصبح أمي أنكرت إن فيه أي حاجة من الحاجات دي تكون حصلت، واني كنت بتخيل، بس الهدوم اللي برة الدولاب دي طلعت لوحدها يعني، وتاني ليلة حصلت حاجة أغرب من الخيال، أمي جتلي بالليل وقالت انها هتنام معايا لأنها خايفة تنام لوحدها.

حض.نتني ليلتها وفضلت تبكي وتقولي انها ندمانة ولو رجع بيها الزمن مش هتكرر اللي عملته ده، ومن كتر بكائها بدأت أشفق عليها من جوايا، ماهي في النهاية أمي مهما كان، بس وسط نوبة البكاء والحزن دي لقيت حد بيبص علينا من برة الأوضة، الباب كان متوارب وفيه واحدة بتبص علينا من برة، جسمي اتشل مكانه وبدأت أراقبها وعنيا مفزوعة وبحاول الفت نظر أمي وقولتلها (فيه ست واقفة برة يا أمي)

لقتها همست في ودني وقالت (دي مش ست دي أمك)

ولقتها صرخت ونطت من الشباك في لحظة، ودخلت أمي من باب الأوضة وقتها وشعرها منكوش وبتترعش وجسمها منكمش على بعضه بطريقة غريبة، وقتها اتأكدت اننا عملنا كارثة كبيرة أوي في نفسنا، كارثة هتودينا في ستين داهية زي ما بيقولوا، وللأسف أمي حالها بدأ يتدهور يوم بعد يوم، كانت أمي بتنكمش وتتعب وتدبل والست كانت بتسمن وتقوى وقوتها بتزيد، لحد ما جه اليوم الأبشع في حياتي لما سمعت صريخ مشابه ليوم مو.ت الطفل، خرجت أجري لقيت أمي ميتة مسمومة جمب الطبق اللي ما.ت جمبه الطفل وما.تت جمبه القطط، وناس قالوا إنهم شافوا أمي بتزحف زي القطط وكلت من الطبق وهي اللي حطت السم والأكل فيه عشان تاكل وتمو.ت، أمي من بشاعة شكلها فضلنا ساعتين مش عارفين نقرب من ج.ثتها، لحد ما جه شيخ الجامع ورمى عليها من بعيد بطانية ولفوها فيها وخدوها على المستشفى ومنها للقب.ر، كانت جـ,ـنازة صعبة أوي، 8 رجالة بس اللي شالوها وراحوا يد.فنوها، وقدام عنيا شوفت الست اللي شبهها قاعدة على التابوت من فوق وفرحانة، واختفت أمي واختفت الست وكل حاجة معاها.

أمي ما.تت عشان سمحت لقلبها القـ,ـاسي انه ي.. أرواح بريئة عشان تنتصر لنفسها، أمي لما استسهلت ت.. قطط ربنا سلط عليها نفسها ف..ت طفل، وكأن الاستسهال في عمل ذنب سهل أوي يوصلك لذنب أعظم وتتحر.ق بنا.ره في الدنيا قبل الآخرة، اتقال ان ناس عرفوا اللي أمي عملته ودفعوا أكتر للعرافة عشان تقلب السحر على أمي وينتـ,ـقموا لمو.ت الطفل، واتقال إن الحارس انقلب على صاحب السحر، واتقال إن العرافة قررت تنتـ,ـقم من أمي لأن فيه حاجة أجبرتها تعمل كدا، معرفتش الحقيقة فعلا، بس الحقيقة المؤكدة إن ده انتـ,ـقام من الله ولسة نا.ر الآخرة، اللي يسمح لقلبه يبقا قاسي يتحمل نتيجة أفعاله لأن النا.ر اتخلقت للمتكبرين قساة القلوب والجنة خُلقت للضعفاء اللي قلوبهم كلها رحمة.

(حُرم على النا.رِ كلُّ هيِّنٍ لينٍ سهلٍ قريبٍ من الناسِ)

بقلم: أحمد محمود شرقاوي

……

متنساش لو عجبتك القصة تعمل لاف وتعليق برأيك في كومنت..

ومتنساش تمنشن أقرب صديق لك عشان يتابع معانا القصة أو تشاركها مع أصحابك..

وفولو لصفحتي الشخصية لو أول مرة تتابعني عشان يوصلك كل جديد..

بقلم: أحمد محمود شرقاوي