عرافه المـ,ـوت بقلم احمد محمود شرقاوي

عرافة المو.ت

فيه عرافة قابلتني في حديقة الحيوان من يومين أنا وبنت عمي وفضلت باصة على بطني بطريقة غريبة، ولما قربنا منها قالتلي بالنص (للأسف هتفقدي ابنك خلال أسابيع ربنا يتولاكي) وقتها من الغضب كنت همسك فيها لولا نُهى بنت عمي، وفي النهاية حصل أغرب موقف ممكن، العرافة ادت بنت عمي كارت وقالتلها لو حبت تلحق ابنها خليها تتصل بيا، من امتا العرافات بقا معاهم كروت، استهزأت بيها ومشينا، بس بصراحة كنت خايفة أوي من جوايا، ده حملي الأول وأنا في الشهر السادس، والفترة الأخيرة بقيت بتعب تعب غريب، بس قررت اتمالك أعصابي ومفكرش في الموضوع..

وبعد أيام بدأ التعب يزيد عليا يوم بعد يوم لحد ما صحيت في يوم على نزيف شديد، وكانت ليلة مرعبة والألم فيها كان بشع، وفقدت ابني للأسف، ورجعت من المستشفى وأنا في حالة من الحزن والاكتئاب الشديد، كنت مقهورة وحزينة لأقصى درجة، وفضلت كلمات العرافة ترن في ودني (للأسف هتفقدي ابنك خلال أسابيع ربنا يتولاكي) وفضلت كلماتها لبنت عمي تطاردني لأيام طويلة (لو حبت تلحق ابنها خليها تكلمني) ولقيت نفسي بتصل ببنت عمي وبسألها على رقم العرافة، استغربت جدًا مني وقالتلي إنها ضيعت الكارت، طلبت منها تدور عليه وتلاقيه بأي طريقة، حاولت تفهمني إن ده قدر ونصيب بس مكنش عندي استعداد للنقاش، وهي فعلًا أشفقت عليا وبعتتلي الرقم في النهاية..

كلمت الست وطلبت إننا نتقابل، وفعلًا روحت حديقة الحيوان وقابلتها، والمرة دي تأملتها بزيادة، واحدة راسمة حنة ولابسة عباية ملونة ولابسة في رقبتها عُقد أحمر، سألتها بهدوء وطلبت منها تقولي ازاي عرفت إني هجهض ابني..

قالتلي إن ربنا وهبها كرامة وبتقدر تحس بالناس، قولتلها كانت هتنقذ ابني ازاي، قالتلي كانت هتدعيلي ونعمل خير ينقذني، كتمت دموعي بالعافية لأن كلامها كان منطقي جدًا، وفجأة لقتها بتترعش وبصت ناحيتي بقوة، سيطرت على نفسي بالعافية لقتها بتقولي

(محمد جوزك هيمو.ت قريب)

وغصب عني صرخت صرخة مكتومة، لقتها بتبص يمين وشمال وبتكلم حاجة مش موجودة، سألتها بلهفة وخوف هيمو.ت ازاي، قالتلي إن عندي سحر هو السبب في الاجهاض، وإن هيكون سبب لمو.ت جوزي لو قرب مني وعمل معايا علاقة جسدية، جسمي كله اترعش وسألتها عن الحل، قالتلي اقابلها خلال أسبوع تكون قدرت توصل لحل، واشترطت عليا إني جوزي ميقربش مني أبدًا خلال الأسبوع ده..

وفضلت أفكر ازاي همنع نفسي عنه، وفعلًا كان أسبوع صعب جدًا ومنعت نفسي عنه بالعافية، اتحججت بكل حاجة لحد ما غضب مني وقاطــ,,ـــــعني، وجه يوم المقابلة وقالتلي إن لازم يحصل تجديد عشان السحر ميأثرش عليه، والحل إن جوزي يتجوز عليا ولو ست شهور بس، وطول الفترة دي ميقربش مني لحد ما اتعالج، كدا وإلا مع أول علاقة بينا هيمو.ت، ورجعت وأنا هتجنن، خايفة اتجاهل الموضوع يتكرر نفس اللي حصل مع ابني، عشان كدا فضلت أفكر وأفكر، وملقتش غير حل واحد اقترحته واحدة صاحبتي قريبة مني..

جوزي يتجوز نُهى بنت عمي، ونحاول نخليهم يوافقوا لحد ما تعدي الست شهور، وأول ما فاتحت نُهى قلبت عليا وكانت هتقاطــ,,ـــــعني، بس صاحبتي فضلت تلح عليها مرة ورا مرة، وعانيت معاناة رهيبة لحد ما جوزي ونُهى وافقوا واتجوزوا في شقة نهى، ست شهور لحد ما كل حاجة تنتهي، وكنت بقابل الست كل أسبوعين في الحديقة تديني بخور ومية وحاجات أعملها..

وفضلت مكملة معاها لحد ٥ شهور كاملين، وبدأت أحس بفرحة كبيرة كأني بتحييني مرة تانية، أخيرًا جوزي هيرجعلي وهيطلق نُهى ويمكن أحمل وأخلف منه، وقبل انتهاء الست شهور بيوم العرافة قالتلي إن العلاج محتاج اخر حاجة، وقالتلي لازم عفرة تراب المقابــ,,ـــــبر تعفرني، مفهمتش كلامها عشان تقولي إني أروح المقابــ,,ـــــبر وأخد من التراب واحطه على راسي وجسمي، كدا وإلا هستنا ٦ شهور تاني..

ومكنش عندي أي استعداد استنا ٦ شهور كمان، عشان كدا قررت أنفذ بعد ما كنت جبت أخري، ركبت العربية مع بنت عمي اللي قررت تبقا معايا ووصلنا للمقابــ,,ـــــبر على المغرب تقريبًا، دخلنا وسط المقابــ,,ـــــبر ولقتها واقفة خايفة وجسمها بيترعش، سألتها عن سبب خوفها قالتلي إنها أول مرة تدخل المكان وخايفة تكمل، قولتلها ترجع العربية وأنا هكمل، كلها خطوات وهوصل، وفعلًا دخلت وبدأت أدور على مكان فيه تراب كتير، ووسط حيرتي وتفكيري فوجئت بنفسي قدام قبــ,,ـــــر أمي، ووقفت مصدومة فوق العشر دقايق، أمي، أمي اللي لو كانت عايشة كانت هونت عليا كل ده، أمي اللي سابتني اتبهدل في الدنيا لوحدي..

وافتكرت كل حاجة، أمي، مو.تها، ابني اللي ما.ت، حرماني من جوزي ٦ شهور، ولقيت نفسي ببكي بهيستريا شديدة، لدرجة إني نسيت أنا هنا ليه أصلًا، ووسط بكائي لقيت حد بيخبط على كتفي بقسوة، بصيت برعب ورايا لقيت واحدة ست ضخمة أوي ولابسة عباية سودة، لساني اتشل مكانه ومقدرتش اتكلم، لقتها بتزعق بصوت عالي وبتقول

(أيه اللي جابك هنا يا بنت فاطمة)..

تمالكت ذهولي بالعافية وقولتلها
(أنتي تعرفيني)

لقيتها زعقت أكتر وقالت

(مش وقته يالا امشي من هنا عشان هيقت.لوكي)

بصتلها برعب أكتر وقلت

(مين دول)

لقتها جاوبت بغضب شديد

(بنت عمك واللي معاها)

وقالتلي اتحرك من طريق تاني فورًا، وفعلًا اتحركت بسرعة وأنا مرعوبة لحد ما وصلت للطريق وروحت، تمالكت نفسي بالعافية ورديت على بنت عمي اللي كانت عمالة تتصل وقولتلها إني شوفت عفريت وهربت وإني خايفة أوي، معلقتش وعدى الموضوع..

وفضلت متربصة وبفكر لحد ما لقيت طريقة افتح بيها تليفونها، ولقيت شات طويل بينها وبين العرافة، وشات تاني بينها وبين جوزي، بنت عمي كانت على علاقة بجوزي، وهي اللي اتفقت مع العرافة اللي مكنتش عرافة، وكانت بتغير أدوية الحمل لحد ما اجهضت، كل ده عشان أصدق العرافة، وبعدها أجبروني وبنفسي اتحايل عليها عشان تتجوز جوزي، وطبعًا دفعت لصاحبتي عشان تقترح الاقتراح ده، ولما الـ ٦ شهور خلصوا وملقتش حِجة تانية قررت تاخدني للمقابــ,,ـــــبر ودفعت لاتنين يدخلوا ورايا عشان يتخلصوا مني، لولا الست اللي ظهرت دي واللي معرفش مين دي ولا ظهرت ازاي..

اتصلت بأخويا وأنا مرعوبة، ملازم في الداخلية وأكيد عارف هيعمل أيه، وقدم بلاغ بالشات كله واتهم بنت عمي بمحاولة قت.لي وإجهاضي، واتحقق معاها واعترفت في النهاية، جوزي مكنش يعرف إنها قت.لت ابنه، كان عارف إنها عملت لعبة عشان يتجوزوا بس، وكان مصدوم فيها، وكأنه كان واثق في واحدة على علاقة بيه في الحرام، صاحبتي هربت من المنطقة خوفًا من أخويا، واتطلقت من جوزي ودعيت عليه بالمو.ت لأنه السبب في كل ده..

يمكن كانت تجربة قاسية جدًا بس علمتني كتير اوي، مفيش حاجة اسمها حد بيشوف المستقبل، كله خداع ودجل للأسف واحنا بس اللي بنصدق، وإن اللي يسمح لنفسه يدخل في علاقة حرام غالبًا بيته بيتخرب في النهاية، وإن الدايرة دايمًا بتدور على الظالم وربك اسمه العدل، والحمد لله إنه نجاني من كل ده رغم غلطي الكبير لما صدقت العرافة..

بقلم: أحمد محمود شرقاوي

………

فولو لصفحتي الشخصية لو أول مرة تتابعني عشان يوصلك كل جديد..

بقلم: أحمد محمود شرقاوي