حكايات زهره الربيع 1

جوزي كان بيجهز شقه لجوازته التانيه والفلوس قصرت معاه ، وجه هو وخطيبته وطلب مني بكل بجاحه ياخد دهبي يكمل بفلوسه، وحماتي قالتله بتسالها ليه ده حقك ، كانوا فاكرين هعمل مشكله ويقولو اني غيرانه ، لكن انا ناولته العلبة بس مكانش فيها دهب ، اللي كان فيها خلى وشه اسود ولغى جوازه فورا!!! مقالات ذات صلة ياسين ومريم 4 منذ 26 دقيقة حكايات زهره الربيع 3 منذ ساعتين حكايات زهره الربيع 2 منذ ساعتين حكايات امانى السيد 3 منذ 3 ساعات سبع سنين كاملين وأنا شايلاه في عيني، وصاينه بيته ، وربنا رزقنا بثلاث بنات: فريدة، ونور، وتاليا. ثلاث بنات ضحكتهم بتهون عليا تعب الدنيا، بس بالنسبة لحماتي الحاجة “حكمت”؟ لا، البنات دول كانوا “قلة بخت”. من يوم ما خلفت تاليا الصغيرة وهي نازلة زن في ودن ابنها “محمود”: “يا بني أنت سندك فين في الدنيا؟ البنات بكرة يتجوزوا ويغوروا، جيب لك ولد يشيل اسمك ويسندك لما تكبر”. ومحمود، اللي كنت فاكراه راجل بيفهم، مشي ورا كلام أمه وعقله طار. بدأ يحلم بالعروسة الثانية، وعاش الدور . لما جه يواجهني، كنت فاكراه بيهزر، بس لقيت عينيه بتتكلم بجد. قلت له وأنا مصدومة : “يعني أنت متخيل يا محمود إن ربنا لو مش كاتب لك تجيب أولاد، هتجيبهم حتى لو اتجوزت أربع ستات؟ ده رزق وتقسيم ربنا يا ابن الناس!” رد عليا ببرود: “أحنا بناخد بالأسباب يا هبة، وأهو هجرب هخسر إيه؟ أمي بتقول فيه ستات بطنها زي قلتها مابتشلش إلا البنات، يمكن العيب في بطنك أنتِ!” كلامه نزل عليا زي السكينة، بس مسكت نفسي وبصلته بحدة: “اتقي الله يا محمود! اتقي الله وروح اتجوز براحتك، بس بناتي مش زي قلتهم! غيرك بيموت ويحلم بضفر عيل سواء ولد ولا بنت، دول نعمة من عند ربنا !” لوح بإيده وقال بلا مبالاة: “أنا مش فاضي لمواعظك وشغل الندب ده، أنا قلت أديكي خبر بس عشان تبقي عارفة.” ومن يومها، وبدأ يجهز الشقة الجديدة اللي في دور فوقينا. وخطب بنت اسمها “شيرين”، . كانت بتيجي الشقة فوق تختار الألوان والسراميك والديكورات على مزاجها، وصوت ضحكها يوصل لعندي تحت وأنا قاعدة مع بناتي وساكتة. وفي يوم، التشطيبات وقفت معاه والفلوس قصرت. دخل عليا البيت ومعاه خطيبته”، طالعين الشقة فوق يكملوا شغل. وقف في نص الصالة، وبكل بجاحة وعدم مبالاة وكأنه بيطلب كوباية مية، قال لي: “هبة.. اطلعي هاتي علبة الدهب من فوق.” بصلته باستغراب وقلت: “دهب إيه؟” قال بثقة وثبات: “الدهب بتاعك.. هبيعه أكمل بيه تشطيب الشقة وابقى أجيب لك بداله لما ربنا يفرجها.” أنا اتسمرت مكاني. في اللحظة دي طلعت حماتي الحاجة حكمت من المطبخ وهي بتلوح بإيديها وتقول بصوت عالٍ: “أنت بتشاورها ليه يا محمود؟! ده حقك! إحنا اللي جبنالها الدهب ده من الأول؟!” أنا بصلته بدهشة وذهول ودمي فار: “عايز دهبي عشان تكمل شقتك للمحروسة؟!” شيرين خطيبته بصت لي بشماتة وضحكة مستفزة على وشها. محمود كان نافش ريشه، عضلاته مشدودة ومستني العاصفة، كان مستني أصرخ وأعيط وأعمل مشكلة عشان يعيش دور الراجل المرغوب اللي الستات بتموت وتقطع بعضها عليه، وعايز يبان قدام خطيبته الجديدة إني غيرانه عليه. قربت مني شيرين وقالت لي بصوت ناعم بيقطر سم: “اهدي يا روحي بس، أنا أكيد مش هاخده منك يعني.. ما تقلقيش، هو هيجي يزورك عادي ويشوف البنات، مفيش داعي تبقي غيورة كده ومكبرة الموضوع!” محمود كان مبسوط ومستني يشوفني بتخانق عليه ،بس انا ابتسمت ابتسامة هادية جداً، بصيت له في عينيه وقلت له بكل برود: “من عينيا.. ميغلاش عليكم أبداً، ثواني هجيب العلبة.” محمود اتصدم، عينيه اتفتحت على آخرهم. وشيرين استغربت وبصت للحاجة حكمت باستغراب. طلعت أوضتي بهدوء تام، وجبت العلبه وقربت منه، ومديت إيدي بيها.. مسكها بلهفة وابتسامة نصر على وشه، وفتحها قدام خطيبته وأمه عشان يتباها. أول ما فتح العلبة.. وش محمود اسودّ، ألوانه اتخطفت، والابتسامة اختفت من على وشه العلبه مكانش فيها ولا حتت دهب واحد كانت فبها حاجه تانيه خالص خلته اتجمد مكانه وبص لشيرين ونطق بالعافيه وقال….أنا.. أنا خلاص مش عايز اتجوز.. الجوازة اتلغت.” مرت الليلة الأولى بعد الفضيحة كأنها سنة كاملة. الشقة اللي فوقنا اللي كانت مالية البيت بدوشة العمال وصوت ضحكات شيرين، بقت زي القبر، ساكنة ومظلمة. محمود ما نزلش من فوق، ولا حتى دخل أوضته. فضلت قاعد في العتمة بين جدران الطوب الأحمر والأسمنت اللي كان فاكر إنه بيبني عليهم مجده المزيف. مع طلوع الفجر، سمعت حركة بره الأوضة. كانت الحاجة حكمت نازلة تتسحب، صلاتها وصراخها بتاع إمبارح تحول لهسس وخوف. خرجت لها الصالة وأنا لابسة عبايتي وبكل ثبات. أول ما شافتني، بصت لي بعيون مليانة كره ومغصوبة على الهزيمة. “أنتِ فاكرة نفسك كسبتي يا هبة؟” قالتها بصوت مرعوش وهي بتقرب مني وبتشاور بصابعها. “فاكرة إنك لما تفضحي ابني قدام الغريبة وتوقف حيلة جوازه، إنك كده بقيتي الست القوية؟ ابن عمتك وراجل بيتك هيفضل راجل، وهيعرف ياخد حقه منك ومن الأيام!” بصيت لها بمنتهى الهدوء، وقعدت على الكنبة وحطيت رجل على رجل، الحركة دي لوحدها جيبت لها الكلام: “يا حاجة حكمت، اللي هدم بيتك وابنك مش أنا.. اللي هدمه طمعك وفكرك اللي واقف عند كلمة ‘العزوة ولد’. محمود ابنك استلف مني، وأنا ما سرقتوش. الدهب اللي كان شايفه دهبه، كان ثمن حريته من ست شهور لما المقاولين كانوا هيرموه في السجن، يومها ما جيتيش تفكي كربته ولا بعتي غوايشك عشان تنقذيه. سيبتيه ييجي يترجاني وأنا اللي شيلت. وانهاردة جاي يترسم على قفايا بفلوسي؟” قبل ما ترد، نزل محمود من على السلم. وشه كان شاحب، وتحت عينيه سواد كأنه منا مش بقاله أيام. وشايل في إيده شنطة هدومه الصغيرة. بص لأمه وبص لي، ولأول مرة أشوف في عين محمود نظرة انكسار حقيقية، مش النظرة بتاعة التمثيل اللي كان بيعيش بيها دور السي السيد. “رايح فين يا محمود؟” صرخت أمه وهي بتمسك في دراعه. “رايح فين وسايب المفعوصة دي تمشي كلمتها عليك وعلى بيتك؟” محمود نزّع إيده منها ببطء وقال بصوت بحوح ومكسور: “سيبيني يا أمي.. سيبيني في اللي أنا فيه. أنتِ اللي أصريتي إن البنات قلة بخت، وأنتِ اللي زقيتيني على شيرين وعلى الشقة، وأنتِ اللي أهديتيني أطلب دهبها عشان أبان راجل قدام ست تانية! أديكي شايفه.. العروسة سابتني وفضحتني، والقضايا فوق دماغي، والشقة محجوزة.” التفت لي محمود وقال بصوت مشحون بالرجاء: “هبة.. إحنا بيننا عشرة سبع سنين، وثلاث بنات. معقول توصل بينا للمحاكم ووصلات الأمانة؟ أنتِ عارفة إن الدنيا لما بتزنق معايا بتعصب، بس أنا عمري ما فكرت أظلمك ولا أظلم البنات.” ضحكت ضحكة قصيرة مليانة وجع وقسوة: “عمري ما فكرت تظلمني؟! وأنت جاي تاخد دهبي اللي بقيت حيلتي عشان تكمل بيه شقة ضرتي، ده ما كانش ظلم؟ وأنت بتقول لي قدام واحدة برانية ‘يمكن العيب في بطنك أنتِ’ ده ما كانش ظلم؟ لما تهين كرامتي وتكسر قلبي قدام بناتي عشان ترضي غرورك، وتخلي أهلك يشوفوني خادمة ملهاش قيمة، ده مش ظلم؟” محمود قرب خطوة، ومسك إيدي، بس أنا سحبت إيدي فوراً وكأني اتلمست بنار. “يا هبة افهمي…” حاول يتكلم، بس أنا قطعت كلامه بصرامة: “الموضوع اتعدى حدود الكلام يا محمود. أنا مش هعيش دور الضحية اللي تقعد تعيط في الزاوية وتستنى لما تحن عليها. الورقتين اللي شفتهم في علبة الدهب دول مش تهديد، دول واقع. الشقة اللي فوق دي من بكرة الصبح، مكتوب عليها للإيجار. المؤجرين هييجوا يعاينوها، والعربود اللي هيدخل منها هيروح حسابه لفيزا باسم بناتي: فريدة ونور وتاليا. عشان أضمن مصاريف مدارسهم ولبسهم وعيشهم، عشان ما يجيش يوم وتحوجهم لأحد، ولا حتى لأبوهم.” مقالات ذات صلة ياسين ومريم 4 منذ 27 دقيقة حكايات زهره الربيع 3 منذ ساعتين حكايات زهره الربيع 2 منذ ساعتين حكايات امانى السيد 3 منذ 3 ساعات صرخت الحاجة حكمت تاني: “شقة ابني تتأجر للغرباء؟ وأنا عايشة في البيت ده؟ والله ما يحصل! دي شقة ابن الحاج عبد الصمد، ما يدخلهاش غريب طالما أنا حية!” رديت عليها بحزم وقفت على حيلي: “الشقة دي مبنية بنصيبي وبفلوسي اللي محمود خدها ورقة وقانون، والقاضي حاطط إيده عليها لصالحي. لو عندك اعتراض يا حاجة، المحكمة مفتوحة، روحوا قدام القاضي وقولوا له ‘عايزين ناخد حق البنات نديه لعروسة ابننا الثانية’ وشوفوا هيرد عليكم يقول إيه!” محمود اتجمد مكانه، ومسح عرق جبينه بإيد بترتعش. كان عارف إن الموقف قانونياً ومنطقياً وخلقياً ضده تماماً. هو اللي تورط في ديون بالهبل عشان يقنع شيرين وأهلها إنه راجل ثري ومقتدر، وهو اللي مشي ورا أوهام إن السند هو الولد، وفي الآخر اكتشف إن الست اللي كان بايعها هي الوحيدة اللي كانت شايلة اسمه وبيته من السقوط. في اللحظة دي، خرجت فريدة، بنتنا الكبيرة اللي عندها ست سنين، من الأوضة وهي بتدعك في عينيها. كانت ماسكة في إيدها أختها الصغيرة تاليا. فريدة بصت لأبوها ولجدتها، وبعدين بصت لي وقالت بصوت طفولي بريء: “ماما.. هو بابا زعلان ليه؟ وهي طنط شيرين مش هتيجي تاني تلعب معانا وتضحك فوق؟” الكلام نزل زي الصاعقة على محمود. وشه احمر من الخجل، وركبته خارت وقعد على الأرض قدام بنته. مسك إيد فريدة بلهفة وقال وهو بيغالب دموعه: “لا يا حبيبتي.. مفيش طنط شيرين، ومفيش حد هييجي فوق.. بابا كان غبي يا فريدة، كان غبي أوي.” رفعت فريدة عينيها الصغار وبصت لأبوها وقالت بفضول الأطفال: “ماما قالت لنا إن ربنا بيحبنا عشان إحنا ثلاث بنات، وقالت إن البنات هما اللي بيمسكوا إيد بابا وماما لما يكبروا. أنت زعلان عشان إحنا بنات يا بابا؟” محمود غطى وشه بإيديه الاثنين وبدأ يبكي بصوت مسموع، بكاء راجل اكتشف إنه خسر كل حاجة في لحظة غباء وتكبر. الحاجة حكمت وقفت مصدومة، مش عارفة تدافع عن ابنها ولا تهاجم البنات اللي كانت بتبص لهم طول عمرهم على إنهم “قلة بخت”. قربت من فريدة وتاليا، وسحبتهم بالراحة لربوعي، وبصيت لمحمود وهو جالس على الأرض بيبكي وبقلب ملوش مكان للشفقة الزائفة: “الدموع دي متأخرة أوي يا محمود. الدموع دي كان المفروض تنزل يوم ما فكرت تبيع اللي صانتك عشان واحدة اشتراك بفلوس مش بتاعتك. بكرة الصبح السمسار هييجي، والمهندس هيعيّن الشقة عشان تجهز للإيجار. وأنت قدامك مهلة شهر واحد، يا تسدد الدين اللي عليك بالكامل وتجيب لي كفالة مالية تضمن مصاريف البنات لحد ما يكبروا، يا إما تنفيذ الأحكام هيياخد مجراه، وساعتها مش هينفعك كلام أمك ولا دعواتها.” محمود رفع رأسه وبص لي بعيون حمرا ومليانة حسرة: “يعني مفيش أمل يا هبة؟ مفيش فرصة ثانية أصلح بيها اللي عملته؟” رديت عليه بابتسامة هادية جداً، ابتسامة الست اللي خرجت من التنازلات والألم وبقت هي اللي بتحدد الشروط: “الفرص بتعطى للناس اللي بتغلط في حق نفسها، مش للناس اللي بتهون عليها كرامة ولادها وزوجاتها عشان أرضاء غرورهم. أنت اخترت طريقك يا محمود، وأنا اخترت طريقي.. وطريقي هو بناتي وكرامتي، واللي يتطاول عليهم أو يمسهم، هيدفع الثمن بالقانون والعدل.” سحبت بناتي ودخلت بيهم الأوضة، وقفلت الباب بالمفتاح، وسمعت صوت خطوات محمود وهو بياخد شنطته وبيخرج من الشقة مكسور الخاطر، وصوت الحاجة حكمت وهي بتقعد على الكنبة بتندب بختها وبخت ابنها اللي ضاع بسبب طمعهم. كنت عارفة إن دي مش نهاية المطاف، إن المهركجة والديون والمحاكم لسه هتبدأ، بس كنت حاسة لأول مرة إن البيت ده بقى بيتي أنا وبناتي، وإن حقنا رجع لنا وزيادة. خرج محمود من البيت وشنطة هدومه في إيده، ومشي في الشارع بخطوات تقيلة كأنه شايل جبل على كتفه. الليل كان لسه مغيم على الحارة، وكل خطوة كان بيمشيها كانت بتبعده عن البيت اللي قضى فيه سبع سنين، بيتك اللي صنتيه وبنيتيه معا خطوة بخطوة. الحاجة حكمت فضلت قاعدة على الكنبة في الصالة، عينها متبتة في الأرض ودموعها نازلة بسكوت. الكبرياء اللي كان مالي وشها اتمسح تماماً، وبقت حاسة إن كل الدسائس والزن اللي زنته في ودن ابنها انقلب عليها وكسر ظهرهم هما الاثنين. خرجت من الأوضة بعد ما اطمنت إن البنات ناموا، وبصيت لها بكل هدوء. “مش هتطلعي شقتك يا حاجة؟” قلتها بصوت ثابت ميهتزش. رفعت رأسها وبصت لي بقلة حيلة وقالت: “عملتي إيه في الولد يا هبة؟ دمرتيه ودمرتي مستقبله عشان شوية دهب؟ ده ابن عمك، وسندك، وأبو بناتك!” قعدت قدامها على الكرسي وقلت لها بنبرة حازمة: “الدهب كان مجرد وسيلة يا حاجة حكمت، اللي دمر محمود هو الطمع، وجريه ورا كلامك إن البنات قلة بخت. محمود ما اتكسرش عشان الدهب اتباغ، محمود اتكسر لما اكتشف إن الست اللي جابها يتباهى بيها سابته في أول مطب، وأن الست اللي داس عليها هي اللي كانت شايلة بيته وشرفه من السجن. اللي جرى ده حصاد اللي زرعتوه إنتو الاثنين.” سكتت الحاجة حكمت وما عرفتش ترد كلمة واحدة، قامت ببطء ودخلت أوضتها وقفلت الباب على نفسها، ولأول مرة البيت يهدى من الزن والمشاكل اللي كانت مبتنتهيش. مع صباح اليوم الثاني، ضرب جرس الباب. فتحت ولقيت المهندس ومعاه السمسار اللي اتفقت معاه من أسبوع عشان يعاين الشقة اللي فوق. محمود كان فاكر إن الشقة دي هتبقى عش الزوجية للعروسة الجديدة، لكن اللحظة دي كانت البداية الحقيقية لاسترداد حقي وحق بناتي. مقالات ذات صلة ياسين ومريم 4 منذ 27 دقيقة حكايات زهره الربيع 3 منذ ساعتين حكايات زهره الربيع 2 منذ ساعتين حكايات امانى السيد 3 منذ 3 ساعات طلعت معاهم الشقة فوق، التشطيبات كانت واصلة لمراحل متقدمة؛ السيراميك اللي اختارته شيرين، الدهانات اللي كانت بتضحك وهي بتختار ألوانها، كل زاوية فيها كانت شاهدة على بجاحتهم. قال السمسار وهو بيتفحص الأوض: “ما شاء الله يا مدام هبة، الشقة تشطيبها سوبر لوكس وموقعها ممتاز. دي تجيب إيجار محترم جداً في المنطقة هنا، والشباب اللي طالعين يتجوزوا يتمنوا شقة بالجاهزية دي.” رديت عليه بابتسامة: “العقد يتعمل باسمي أنا يا أستاذ، والإيجار يتحول على حساب بناتي في البنك شهرياً. أي حد ييجي يعاين، أهلاً بيه، الشقة جاهزة للسكن من بكرة.” في نفس الوقت، كان محمود قاعد في مكتب المحامي بتاعه بيحاول يراجع الأوراق والوصولات اللي سبتها له في علبة الدهب. المحامي بص له وأخد نفس عميق وقال له: “يا محمود بيه، الموقف القانوني لمرتك معقد جداً لصالحها. وصل الأمانة صحيح ومبصوم بإيدك، وأوراق التحفظ على نصيبك في العقار واخدة صيغة تنفيذية. لو هي حركت القضايا رسمياً في النيابة، أنت ممكن تتسجن في خلال أسابيع. الحل الوحيد إنك تتفاوض معاها وتوصلوا لتسوية ودية.” محمود مسك رأسه وقال بصوت مخنوق: “تسوية إيه يا أستاذ؟! هبة قفلت كل الأبواب في وشي، ومش عايزة تشوفني، وأمي في البيت هتتجنن عشان الشقة اللي فوق هتتأجر للغرباء!” رد المحامي بصرامة: “يبقى تتحمل نتيحة أفعالك، المدام مش بتلعب، دي مرتبة كل خطوة بالقانون وعارفة حقها كويس.” خرج محمود من مكتب المحامي وهو حاسس بالضياع. حاول يتصل بشيرين عشان يشرح لها أو يترجاها تفهم الموقف، لكن كل محاولاته قوبلت بالرفض، ورقمها بقى غير متاح في وشي، وأهلها بلغوه إن الشبكة والهدايا هتترد له في كرتونة عن طريق السايس، وإن الموضوع انتهى بلا رجعة. في عصر نفس اليوم، رجع محمود البيت. كان شكله بهتان، هدومه مبهدلة، وعينيه دبلانة. دخل الصالة ولقى السمسار نازل من فوق ومعاه عريس وعروسته بيشوفوا الشقة. محمود اتجمد مكانة على السلم، وشاف الناس وهما بيتكلموا عن جمال الشقة وإزاي هيفرشوها. استنيت لما الناس مشيت، ووقفت في الصالة. محمود نزل الخطوتين الباقيين وقرب مني، وبص لي بنظرة رجاء واستعطاف: “هبة.. أنا مستعد أعمل أي حاجة تطلبيها. هبوس إيدك ورأسك قدام أمي وقدام الشارع كله، بس بلاش الشقة تتأجر للغرباء، وبلاش تفضحينا أكتر من كده.” بصيت له بمنتهى الهدوء وقلت له: “الفضيحة أنت اللي عملتها بنفسك لما جيت تطلب دهبي قدام خطيبتك. والشقة دي مش ملكك دلوقتي، دي بقت المورد اللي هيصرف على فريدة ونور وتاليا. أنت كنت فاكر إنك لما تتجوز عليا هتعيشنا في قهر وتذلنا؟ أنا ورتك إن الست اللي تصون بيتك وتقف جنبك في الشدة، تقدر في لحظة تاخد حقها بالقانون وتخليك تلف حولين نفسك.” محمود قعد على ركبته قدامي وقال وهو بيعيط: “أنا أسف.. أنا أتعميت، أمي حسستني إن ناقصني حاجة، وشيرين استغلت طمعي. أنا عرفت قيمتك وقيمة البنات.. أديني فرصة واحدة أثبت لك إني اتغيرت.” قربت الحاجة حكمت من باب الأوضة، وكانت شايفاه في الوضع ده، ولأول مرة ما تنطقش ولا تتدخل، كانت عارفة إن أي كلمة منها هتزود الطين بلة. رفعت رأسي وقلت لمحمود بصوت واضح وصارم: “الفرص مش ببلاش يا محمود. لو عايز تبدأ صفحة جديدة وتثبت إنك فارق معاك بيتك وبناتك، الشرط الأول والأساسي: الشقة هتنزل إيجار، والفلوس هتتدخل لحساب البنات، وأنت هلتزم بمصروف البيت كاملاً من شغلك، والوصول المالي يفضل معايا ضمانة لكرامتي وحق بناتي. ولو مش عاجبك.. الباب يفوت جمل، وأوراق المحكمة جاهزة للتنفيذ.” محمود بص لي وهو بيبلع ريقه، عارف إن مفيش مفر ولا خيار تاني قدامه، وإني بقيت المسكينة اللي بتتحكم في زمام الأمور كلها. “هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”

مقالات ذات صلة

بيت العيله حكايات روماني مكرم ٣

رمت السمك زهره الربيع 1

بعد ما ورثت بيت ابويا حكايات روماني مكرم ٣

روايه جديده

في عيد ميلادها الأربعين. حكايات_ميراا

زوجتي قضت 12 ساعه حكايات ميراا

اترك تعليقاً إلغاء الرد