بعد وفاه ابوياوامي حكايات نور محمد١

فالدنيا ما سابتهوش في حاله. بعد ما ساب البيت، حاول يتمنظر ويعيش في مستوى أعلى منه، بس من غير بركة دعائي ورضايا، حياته بدأت تتلخبط. سمعته كعريس اترفض من بيت الدكتور رفعت بسبب قلة أصله انتشرت في الوسط الطبي بتاعهم، والناس الراقية اللي كان بيجري وراهم بدأوا يبعدوا عنه لما عرفوا حقيقته.
دخل في كذا مشروع عيادة وخسر فيهم، والديون كترت عليه. أصحابه اللي كان بيصرف
عليهم وبيخرج معاهم سابوه أول ما فلوسه قلت. عاش شهور في تخبط وضياع، ووقع وقعة كبيرة في شغله خلته يتوقف عن العمل فترة بسبب إهماله وتركيزه في المظاهر السهر، لحد ما وصل للقاع.

وفي يوم، وأنا في المشغل بتاعي اللي بقى مصنع صغير، لقيت الباب بيخبط.. دخل عمر.
بس ما كانش عمر الدكتور المتعجرف المفرود.. كان واحد تاني، وشه دبلان، مكسور، هدومه متبهدلة، وعينيه مليانة ندم وكسرة. أول ما شافني، انهار من البكا، نزل على ركبه قدام كل البنات اللي شغالين معايا، ومسك إيدي اللي كان بيستعر منها.. باسها مرة واتنين وعشرة وهو بيشهق من البكا وبيقول
سامحيني يا ندى.. أبوس إيدك سامحيني. أنا غبي، أنا قليل الأصل، أنا ربنا عاقبني أشد عقاب لأنني اتكسفت من الإيد اللي اتمدتلي وقت ما كل الناس باعتني.

الدنيا كلها اديتني ضهرها، وما لقيتش حد حنين عليا ولا خايف عليا غيرك.. أنا خسرت كل حاجة يا ندى، بس مش عايز أخسرك إنتِ.. سامحيني وخليني أرجع أعيش تحت رجليكي.
بصيتله، قلبي وجعني عليه، في النهاية ده حتة مني، ده ابني اللي ربيته. نزلت لمستواه،
رفعت وشه بإيديا اللي باسها، ودموعي نزلت لأول مرة من يوم الزيارة إياها. قولتله بصوت حنين بس حازم
أنا مسامحاك يا عمر.. الأخت عمرها ما بتشيل من أخوها مهما عمل. بس عشان نرجع زي الأول، لازم تتعلم تبني نفسك من تاني، بس المرة دي على نضافة، على أصل، من غير كدب ولا منظرة.

عمر رجع لحضني، بس المرة دي رجع راجل فاهم قيمة النعمة. ساعدته يقف على رجله من تاني، سددت معاه ديونه، وبدأ يشتغل في مستشفى حكومي بسيط، يعالج الناس الغلابة، واتعلم التواضع.
النهاية مكنتش بس سعيدة، كانت عادلة. ربنا عوضني عن كل لحظة شقى بعز وسند وزوج صالح بيحبني، ورجعلي أخويا بعد ما اتعلم إن المظاهر الكدابة بتتهد في ثواني، وإن اللي بينكر أصله، بيموت مكسور الجناح، وإن الإيد الخشنة اللي شقيت في الحلال، هي أطهر وأجمل إيد ممكن الإنسان يبوسها في حياته.
تمت…
الكاتبه_نور_محمد
القصة خلصت، بس دروسها بتعيش.. إيه أكتر موقف أثر فيكم في القصة؟